八六年o既新春，大关旅行社一个女领队带团去海南岛，果时o既海南岛无羊夜生活，所以女领队o向到o左当地o既当晚，( 初一晚 )买o左好多花生啤酒，同班团友坐o向空地度，倾o下计谈o下心，差唔多时间就返酒店休息，仲讲定第朝几点o向酒店集合。

    当中有两个来自香港o既单身男团友被编入同一间房，或者过惯夜生活o既佢o地，太早训唔著，所以其中一个提议去附近一个叫小东海o既海滩倾o下计，到达后，一个o向海滩玩沙执贝壳，一个落o左海滩游水...过o左阵，执贝壳果个男仔发觉另外个男仔游游o下水唔见o左，都不以為意，以為男仔游游o下水可能上o左岸返o左酒店，所以佢唯有自己返酒店，无汇合果个男仔。第二日，果个男仔仍然无返酒店，领队问起，佢就话寻晚去过边度边度，於是领队同导游都推算呢个男仔可能离开o左去探佢o向海南岛o既亲戚。经商议后决定由个领队留守酒店等个男仔，导游同其他团友继续出去玩，可惜直至个导游玩完返o黎，个男仔仲未出现，领队同导游最后决定报警，结果，o向附近o既小东海捞起o左条尸，领队同导游认尸后，証实系果个失踪o既男仔......尸捞起时，全身白肿，口同鼻孔都塞满沙，死状恐怖；由於新春期间医院唔开，所以条尸被逼运去佢地住o既酒店，开到最大o既冷气再用冰密封，市政府同时亦通知死者o向香港o既家人儘快o黎认尸。